Shillong, Nailar 01
Ka Mawkasiang ka la pynliem noh ïa ka Mawphlang lyngba ka tie-breaker da 6-5 kol na ka bynta ban jam sha ka semi final ha ka U-20 Fourth Division 2025 ba la pynïaid da ka Shillong Sports Association, ha ka sngi Thohdieng.
Ka Mawkasiang ka la jop lut ha ki hynriew tylli ki jingïakhun ba la dep mynta ka samoi, kaba kynthup ïa saw tylli ha ka jingïalehkai group ryngkat bad ar tylli ki jingïakhun ha ka pre-quarter bad ka quarter final, hynrei kam shym la lah ban pynliem ïa ka Mawphlang, kaba la jop san sien na ki hynriew sien ïakhun.
Ha kane ka jingïa-khun quarter final baroh ar ki kynhun ki la pyrshang ban ïakhun tyngeh naduh kaba sdang. Ka Maw-phlang ka la ïoh mynsiem lyngba ka jingthud ki nongkyrshan kiba la wan ban ai jingkyrshan pura ïa kane ka kynhun.
Hadien 80 minit ba kine ki kynhun kim shym la lah ban thep kol, na ka liang ki bor pynïaid ki la rai ban pynïashut da ka tie-breaker bad ka Mawka-siang ka la lah ban tam da 6-5 kol na ka bynta ban khur syndon ïa ka jingjop.
Lyngba kane ka jingjop, ka Mawkasiang ym tang ba ka la ïoh rung sha ka semi final, hynrei ka la kiew kyrdan sha ka Third Division na ka bynta ka aïom ka ban wan.
Ha ka sngi Saitjaiñ ka jingïalehkai quarter final kan long hapdeng ka Laitkroh pyrshah ïa ka Lummawbah (2:30PM).
