Shillong, Nailar 01
Ka Rynjah ka la lah ban pynskhem ïalade na ka bynta ban ïai sah ha ka Third Division jong ka Shillong Sports Association, hadien ba la pynliem noh ïa ka Imson da 3-1 kol ha ka Group-B kaba la long ha ka sngi Thohdieng ha SSA Stadium kaba ha First Ground, Polo.
Kane ka la wan urlong lyngba u Wanpynshai Lyngwi uba la thep ar kol bad ïa kawei pat la pynbud da u Shemkupar Massar na ka bynta ban pynlong ïa katei ka kynhun ban ïaisah ha ka kyrdan ba saw bad kamai 4 point, katba ka Imsaon kaba khlem lah ban khur jingjop na ki saw sien ïakhun, ka la shah pynhiar kyrdan noh sha ka Fourth Division.
Ha kane ka jingïakhun kaba khatduh ka Rynjah ka la donkam ban shu pynïakhaid ban pyllait na ka jingshah pynhar kyrdan, katba ka Imson ka donkam ban khur ïa ka jingjop kaba nyngkong eh ha kane ka lympung.
Hapdeng kane ka jingïakhu ka Rynjah ka la ïoh ban the par kol ha ka kylla step lyngba u Wanpynshai Lyngwi ha ka minit kaba 20 & 22. Hynrei shwa ban kut ka jingïalehkai jong ka kylla miet ka Rynjah ka la thep biang sa shi kol lyngba u Shemkupar Massar (85).
Ka Imson ka la lah ban pynphai kylla shi kol lyngba u Homily Mukhim (89) bad ban mad syndon ïa kane ka jingshah rem ha kane ka jingïakhun.
Kane ka lympung kan bteng biang ha ka 4 tarik ha kaba ka jingïalehkai jong ka Group-B kan long hapdeng ka Umlyngka pyrshah ïa ka Umrynjah ha ka por 1:30 mynsngi, katba ha ka Group-A ka Madanrting kan ïakynduh pyrshah ïa ka Nongumlong ha ka por 4 baje nohphai sngi.
