Shillong, Nailar 03
Ki Pulit ka Jylla, kila ïoh kem ïa arngut ki samla suba khaïi droks kiba dei na East Khasi Hills District ha ryngkat u droks heroin ba 23.24 gram bala thep ha ki artylli ki synduk sabon.
Kine ki arngut ki kyrteng u Bankyrmen Jyrwa bad u Reobenezer Pyngrope. Ïa kine ki arngut la kem ha ka sngi U Blei.
Ki Pulit ki ïathuh ba ïa kine ki arngut la kem na ka bos MTC katba ki dang wan phai na Silchar sha Shillong, ha ka jingtalasi kaba la pynlong katkum ki jingtip ba kila ïoh lum.
Ka jingtalasi kaba sani bha kala lam sha ka jingïoh kurup ïa une u heroin bad kumta hi, la kem bad la rah noh ïa ki sha thanad ban tohkit.
Ki Pulit kila register case ïa kine ki briew hapoh ka Narcotic Drugs and Psychotropic Substances (NDPS) Act, bad ki dang pyrshang mynta ban lah pynithuh bad ïoh kem ïa u nongshalan ba na Assam.
