Shillong, Nailar 03
Kawei ka Maruti 800 ba don ïa u registration number ML04-B-6931, kala leit rung shakhrum jong ka trok kit siej ba don ïa u registration number ML10-M-1007 bad ha kane ka jingjia, u nongñiah jong ka Maruti kaba la pra ka khmut, u la mynsaw jur.
Kane ka jingjia kala jia ha ka por 8 baje ha ka miet sngi Saitjaiñ ha ka surok service lane ba don ha ka shnong Mawdiangum. Kane ka Maruti ka dei kaba kit sohtrun-kaba dang thmu ban wan kiew sha Shillong.
Ki pulit ki ïathuh ba kane ka Maruti kala leit tynrah hi ïa kane ka trok katba ka dang pynïeng harud jong ka surok service lane. La ong ba ka daw jong ka jingjia, ka dei namar ba u nongñiah jong ka Maruti u la shoh samthiah bad khlem lap ba ïohi ïa kane ka trok.
Ïa une uba mynsaw la pynkit noh sha ka Civil Hospital ha Nongpoh ba un ïoh jingsumar bad ki pulit ki dang pynlong ïa ka jingtohkit halor kane ka jingjia.
