Shillong Nailar 03
Ka jingkiew ki kam lute ha Nongbah Shillong katba nang mih ki sngi ka la nang jyllei ha kaba ki briew kiba leh ïa kane ka kam kim don shuh kano-kano ka jingtieng ne syir mynsiem bad kaba la pynlong ruh ïa kiba bun ki nongshong shnong ban don ha ka jing shong syier.
Ha ka 02 tarik u Nailar 2025 kawei ka durkhih ne video kaba la pyni ïa u wei u nongtuh u ba la rung ha kawei ka jaka pynïeng kali bad ban lute ïa ki tiar ki tar na katei ka jaka.
Katkum ka jingïoh jingtip kaba la ïohlum la ong, ba kane ka jingjia ka la jia ha ka por 6 baje eiei mynstep ha kawei ka ïingsah kaba don ha Umpling, Lumdiengmet.
Katkum ka CCTV camera kaba la ïohpdiang la lah ban ïohi ïa u wei u briew u ba la rung ha ka jaka pynïeng kali jong katei ka ïingsah ha kaba u ne u briew u la peit pyrman bha ïa katei ka jaka bad ban ïaid sharum shaneng ban pyrshang ban rah ïa ki tiar kat kaba u ïoh.
La ïoh jingtip ba u ne u briew u ba la wan ïaid hapoh katei ka jaka pynïeng kali u la ïoh ban rah noh tang ïa kawei ka cycle.
La ïohi ruh ba naduh ba u ne u briew u la wan rung shapoh katei ka ïingsah u la wad ïa ki tiar ki tiar ban ïoh rah hynrei hadien ka jingpyrshang kaba la neh kumba katto kattne minit eiei u ne u briew u la ïoh rah ïa katei ka cycle kaba la pynïeng ha kyndong katei ka jaka set kali.
Ki trai jong katei ka ïing kim shem la ïoh sngew eiei halor katei ka jingshah tuh ka cycle, namar ba ka dang dei kapor mynstep bad ka jinglong jingman ruh ka dang kynjah bha.
