Jowai, Nailar 03
Ki 6 tylli ki Seiñraij kynthup ka Seiñraij Mukhla, Ialong, Tuber, Muthlong, Sohkymphor bad Kongwasan Chyrmang kila ïoh jingïarap haduh T.1.93 klur na ka Development of North Eastern Region (DONER) ka Sorkar Pdeng.
Ïa kane la pyntip da u Convenor ka Behdieñkhlam Joint Committee, u Ma Phrangki Pale ha ka 2 tarik Nailar.
Lyngba kane ka pisa, u la pyntip ba ki 5 tylli ki raid kila shna ïa ki VIP Gallery, ka Muthlong kala jied ban shna ïa ka Cultural Hall, ka Ialong ka shna ïa ka surok dew bilat ba jrong 100m, katba ha Chyrmang ka la shna ïa ka kynroh ban ïada ïa ka Cultural Hall jong ki.
Nalor kata, u la pyntip ruh, ïa baroh kine ki jingtei yn plie da u Myntri Khynnah ka DoNER, u Dr. Sukanta Majumdar ha ka Behdieñkhlam ka Raid Mukhla ka ban long ha ka 31 tarik Nailar.
