Washington, Nailar:
Ka Vice President barim jong ka U.S., ka Kamala Harris, na ka liang ka Democratic, ha ka Sngi Balang ka la ong ba kan nym iakhun shuh ia ka shuki ‘Lat’ jong ka California, kaba la pynkut noh ia ki jingkynnoh ba u kyrtong President uba la rem un ieng ban ïakhun ia katei ka shuki kaba heh.
Ka Harris ka la ong ba kan nym ïakhun mynta, da kaba pyrkhat pat ba kan ioh ban phai khmat sha ka ilekshon President kaba lah ban long ha u snem 2028.
“Ia mynta, ka jinglong nongialam jong nga bad ka jingshakri paidbah, kan ym don ha ka kam ba la jied. Nga khmih lynti ban mih biang bad sngap ia ki paidbah nong America, ban iarap ban jied ia ki nongialam na kylleng jong ka ri ki ban ïakhun ia ka hok khlem jingtieng bad ban iasam ia ki jingtip ba kham bniah ha ki bnai ban wan shaphang ki jingthmu jong nga hi,” la ong ka Harris.
Ka Harris ka la bat ïa ka kyrdan kaba kham poh naduh ba ka la shah rem ha ka ilekshon President ha u Donald Trump ha u snem 2024.
U Lat jong ka California, u Gavin Newsom, uba dei u Lat jong ka seng Democrat, uba la bat ia katei ka shuki naduh u snem 2019, um lah ban iakhun biang, namar ka samoi treikam ba la buh.
Kiwei pat ki nongialam ba pawnam, ki la pynbna ïa ka jingïakhun jongki, kynthup ïa U Xavier Becerra, u ba la shakri kum u Director jong ka tnat ka koit- ka khiah bad ka tnat treikam jong ki briew hapoh ka jingsynshar jong u President barim jong ka U.S., U.S.
