Shillong, Nailar 04
Ka kynhun State Disaster Response Force (SDRF) ha ka sngi Nyngkong ki la sdang biang ïa ka jingwad ïa u ophisar ka tnat Agriculture u Teseng M Sangma ha ka wah Ganol ha Sella Wari hajan ka Tura, West Garo Hills.
Lah ban kdew ba u Teseng M Sangma ula jah rngai hadien ba u la shah rong noh ha ka umsaw kaba khlaiñ ha ka wah Ganol kaba la jia ha ka sngi U Blei.
Ka kynhun SDRF ka la sdang ïa ka jingwad naduh ka por 4 baje janmiet jong ka Sngi U Blei hadien ba la ïoh jingbthah naki bor district West Garo Hills.
Ka kynhun SDRF ka la ïatreilang bad ki bor district, ki pulit bad ka Fire and Emergency Services ban wad ïa u ophisar hynrei la pynsangeh noh ïa ka jingwad ha ka por 7 baje namar ba la kem dum ka bneng.
Ka jingwad ka la sdang biang ha ka step sngi Nyngkong ha ka por 8 baje mynstep, ha kaba ka kynhun jong ka SDRF ka la sdang biang ïaka jingwad na wah ha Pelga Wari.
U Deputy Controller ka Civil Defence ka West Garo Hills u Timai K Sangma u la ong ba ka jingwad ka dang ïaid haduh mynta.Kane ka jingwad ïa u ophisar kala ïaid mynta la 2 sngi.
