Jowai, Nailar 04
Ka Namdong A ka la khur jingjop, katba ka Maskut bad Ïongshiwiat ki la ïakhaid ha ka lympung ïalehkai 2nd Division-Joybell Suiam Memorial Football League ba la pynïaid da ka Thadlaskeiñ Sports Association (TSA) ha madan Wahïajer Multi Sports Complex.
Ha ka jingialehkai kaba la long ha ka lah sngi U Blei hapdeng ka Maskut pyrshah ïa ka Ïongshiwiat ka la kut ha ka jingïakhaid hadien ba kim shym la lah ban pynkhih jar.
Ha ka jingïalehkai kaba bud, ka Namdong A ka la pynliem noh ïa ka Mukhla Wahshnong da 4-0. Ïa kine la thep da u Rimiki Myria ha ka minit kaba 4, kumjuh u Honesty Sumer (22), Krishot Mukhim (35), bad u Starwell Sungoh (39).
Kane ka lympung kan bteng biang ha ka sngi Ba-ar ha kaba ka Myntoilang FC Bamkamar kan ïakhun pyrshah ïa ka Mukhla Mission ha ka por 10 baje mynstep, katba ka Mukhla Veteran ïa ka Tyllilang i Mobakhon ha ka por 12 baje mynsngi.
