Gaza, Nailar:
Ka Hamas ha ka Sngi U Blei ka la pynbna ba ka long ba la pynkhreh ban iatrei lang bad ka Red Cross naka bynta ban pynpoi ia ki lad jingïarap bad ki bam- ki dih sha ki nongshah rahbor kiba ka dang bat hapoh Gaza haduh mynta, hynrei tang lada ka Israel ka mynjur ia ki katto- katne ki jingdawa jong ka Hamas.
Ka Hamas ka la kren shai ba lada ka Israel ka kwah ban pyniaid ia katei ka kam ai jingïarap bad ka jingleh bha naka bynta kito ki briew jongka kiba dang don hapoh ka kti jong ka Hamas haduh kane ka kynti, ka dei ban sangeh noh shi syndon ia ka jingleit thombor nalor suiñ khamtam ha kum kine ki por ba ka nongbah Gaza ka donkam ia shibun ki lad jingïarap naka bynta ki paid nongshong shnong jongka, kiba la iap thngan namar ka jingleit hiar thma ba khlem sangeh jong ka Israel.
