Shillong, Nailar 04
Ka shlem treikam jong u District Sports Officer (DSO) Ri Bhoi District ka la plie ïa ka shlem ai jinghikai ne ka Grassroots Centre na ka bynta ki heprit hapoh 12 snem ka rta shynrang bad kynthei, ha ka shnong Lawbyrwa, Ri Bhoi District
Ïa kane ka shlem ai jinghikai la plie da u Dr. Celestine Lyngdoh, MLA ka Umsning Constituency ha ryngkat ka jingdon lang u DSO, Ri Bhoi District, Bah B.L Nongbet, Bah Rijied Kharkrang, Rangbah Shnong, Bah Willstarbor Lyngdoh, Secretary Lawbyrwa Village bad kiwei ki dkhot jong ka shnong.
Lyngba ka jingdon ïa katei ka shlem ai jinghikai kan long ka jingïarap ban kyntiew bad ban sei ïa ki khynnah kiba don ïa ka sap ïalehkai phubol na katei ka thaiñ bad ruh kin nangkiew shaphrang ha kane ka jingïalehkai.
