Shillong, Nailar 04
Ka Lummawbah SC kan ïakynduh semi final pyrshah ïa ka Mawkasiang SC, katba ka Lapalang ia ka Mawlynrei ha ka lympung ïalehkai U-20 Fourth Division Football League 2025 ba la pynïaid da ka Shillong Sports Association.
Kane ka jinglah ban pynthikna ka Lummawbah ka la wan hadien ba ka la lah ban pynliem noh ïa ka Laitkroh SC da 1-0 kol ha ka jingïakhun quarter final kaba khatduh kaba ka long ha ka sngi Saitjaiñ ha SSA Stadium kaba ha First Ground, Polo.
Kane ka nam jop ka la wan urlong lyngba u Bajiedlang Rangslang uba la lah ban thep hashwa ban wai kata ha ka minit kaba 80+3. Te kumta lyngba kane ka jingjop, ka Lummawbah ka la kiew kytrdan sha ka Third Division na ka bynta ka aïom ka ban wan.
Ka jingïakhun semi final kaba nyngkong hapdeng ka Lapalang pyrshah ïa ka Mawlynrei kan long ha ka sngi Balang, katba ha ka sngi kaba bud ka Mawkasiang kan ïakynduh pyrshah ïa ka Lummawbah. Baroh ar kine ki jingïakhun kin long ha ka por 2:30 nohphai sngi.
