Shillong, Nailar 04
Ka kynhun ki State Disaster Response Force (SDRF) ha ka sngi Nyngkong, kila ïoh tam ïa ka metïap u rangbah briew na wah Umshing,kaba don harum ka jingkieng ba pynïasoh ïa ka Mawlai-Mawiong Byepass bad ka thaiñ Mawlai Umshing.
Ka kynhun hapoh ka jingïalam u Inspector Romaria B Marak, kala poi ha kane ka wah ha ka por 9:15 baje mynstep bad kila ïoh tam ïa ka metïap tang hapoh ka 15 minit.
Ïaka metïap jong une u rangbah la aiti noh sha ki Pulit ba kin pyndep ïa ki jingdonkam baroh, ong u Additional PRO Bah PH Shylla ha ka kyrwoh.
