Khliehriat, Nailar 04
Ka Diengshalalu SC bad Lakadong Umlatdoh SSC ki la jam sha ka semi final ha ka lympung ïalehkai 2nd Division Football Tournament 2025 ba la pynïaid da ka East Jaiñtia Hills District Football Association (EJHDFA), hadien ba ki la khur jingjop ha ka lah sngi U Blei.
Ha ki jingïakhun quarter final kaba la long ha madan artificial turf Dieng-shynrum kaba ha Khliehriat, ka Diengshalalu SC ka la pynliem noh ïa ka Moosiang Lamare Old lyngba ka tie-braker da 4-3 kol, katba ka Lakadong Umlatdoh SSC ka la jop da 4-2 lyngba ka tie-breaker pyrshah ïa ka Suchen Mulieh YWSC.
Te kumta ka Diengshalalu bad Lakadong Umlatdoh ki la kiew kyrdan sha ka 1st Division ha kaba kin ïoh ban ïashim bynta naduh ka aiom ïalehkai ban wan.
