Ngim dei ban sngewphylla eiei ruh em halor ka jingim bad ka jingiap jongngi ki briew na kane ka pyrthei. Namar u Blei u la buh naduh ba sdang pynlong ia ka pyrthei. U Blei u khlem thaw ïa ngi ki briew ban im sah ha kane ka sla pyrthei. Kumta ula buh ruh ïa ka jingiap naduh myndang long ka pyrthei. Ym dei ba u dang wanrah tang na kine ki sngi ba mynta. U la thawbad buh ïa ka jingiap naduh ki kpa tymmen ki kmie tymmen naduh ki por kulong kumah kumba ïa kren ïa khana mangi ki Khasi. Ka jingiap ka la don naduh Hyndai Hynthai ha ngi ki khun bynriew ba shong ba sah ha kane ka sla pyrthei. Bad ym uba lah ban pynim pat ïa kiba la iap. U Blei ruh um kwah shuh ban pynim pat ïa kaba la iap. Namar u Blei um long u Blei kiba iap hynrei jong kiba im (Math 22 : 32). U Jisu ruh u la ong, ha uwei na ki synran jong u. ïeh ïa kiba iap tep ïa kiba iap jong ki, hynrei khieleit noh ma mane bad ïalap ïa ka hima u Blei. (Loukas 9 :60). Kane ka long ka khana shaphang ka jingim bad ka jingiap jong ngi ki briew.
C. B. Iawphniaw
