Shillong, Nailar 05
U Bah PT Sawkmie, MLA barim ha ka sngi Ba-ar u la aiti da ki jersey ïalehkai sha ki khynnah kynthei kiba ïalehkai basketball jong ka Sacred Hearts Boys Higher Secondary School, Mawlai kiba ïashim bynta ha ka K. V. George Don Bosco Inter School Basketball Tourna -ment 2025 ba la pynïaid da ka St. Anthony’s Higher Secondary School, Shillong.
U Bah Sawkmie u la aiti ïa kine ki jersey hadien ba kine ki khynnah ki la dep pyrshang ban wadlad wad lynti bad khatduh ki la leit ban pynsngew sha utei u nongmihkhmat barim, uba la shah shkor ïa ki.
Kumta haba ïa dei bad kane ka jingai jersey, kine ki khynnah ïalehkai basketball, ki la ai khublei bad pynpaw ka jingsngewnguh ïa u Bah Sawkmie halor ka jingsbun jong u.
Ha kajuh ka por na ka liang Bah Sawkmie ruh, u la kitbok kitrwiang ïa kane ka kynhun ïalehkai basketball ba kan ïoh khur ïa ka jingjop bad ban ïohrah ïa kane ka lympung kumba ki la ïohrah ha u snem ba la lah, ka ban long ka burom ruh na ka bynta ka Sacred Heart Boys HSS.
Ha kane ka lympung ka Sacred Heart Boys ka la ïoh rung sha ka semi final kaba kin sa ïalehkai shen ha ki sngi ban wan.
