Jowai, Nailar 05
Ka lympung ïalehkai 2nd Division-Joybell Suïam Memorial Football League ba ka pynïaid da ka Thadlaskeiñ Sports Association (TSA) ka la nangjam shaphrang ha madan Wahïajer Multi Sports Complex.
Ha ka jingïalehkai kaba la long ha ka sngi Ba-ar, ka Myntoilang FC Bamkamar ka la pynliem noh ïa ka Mukhla Mission da 3-0 kol. Ïa kine la thep da u Damian Nongrum ha ka minit kaba 26, kumjuh u Somiyo Mukhim (40) bad Armiki Suting (70).
Ha ka jingïalehkai kaba bud, ka Tyllilang-i Moobakhon ka la jop da 2-1 kol ïa ka Mukhla Veteran. Ïa ki kol jong ka Tyllilang la thep da u Sambor Ramut (9) bad u Damon Rynjah (41), katba ka shi kol ka Mukhla Veteran la thep da u Deming Bang (62).
Kane ka lympung kan bteng biang ha ka sngi Balang ha kaba ka Nongkhroh Sohbar kan ïakhun pyrshah ïa ka Lad Mukhla ha por 10 baje mynstep, kumjuh ka Hunlang FC Moobakhon ïa ka Bamkamar Wah SC por 12.00 baje mynsngi bad ha ka por 3 baje nohphai sngi kan sdang ka jingïalehkai ‘Kelsiroy Pala Memorial-Super Division Football Tournament hapdeng ka Wahïajer SC pyrshah ïa ka Nongkhroh rim.
