Shillong Nailar 05
U Satya Pal Malik uba dei u Lat (Governor) barim ka Jylla Megha-laya u la khlad noh na ka sla pyrthei hynne ha ka sngi Balang ka 05 tarik u Nailar 2025.
Halor kane jingkhlad noh jong une u nongïalam ba la shakri slem ha ka kam kum u Lat (Governor), na ka liang u Myntri Rangbah ka Jylla Meghalaya u Conrad K Sangma u la phah ka khubor sngew-lem halor ka jingkhlad noh jong u.
Ha ka rynsan X u Conrad K Sangma u la pynpaw ba u Satya Pal Malik u long u briew u ba sngewrit bad u ba sngewtynnad ban wallam ïa ka roi ka par ha Meghalaya.
“Ka jingshlur, ka jingshai jingmut bad ka jingkyrshan ba skhem jong u ha ka jingpyrshang lang jong ngi kan sah ïai sah kynmaw” u la bynrap
U Myntri Rangbah u la phah ruh ka jingsngewlem na ka bynta ki nongshong shnong jong baroh kawei ka Jylla sha ki bahaïing jong u kiba mad ïa kane ka jingjia ba sngewsih.
