Shillong, Nailar 05
Ka lympung ïalehkai Shillong Premier League 2025 kan sdang ha ka sngi Balang ha kaba ka Nangkiew Irat kan ïakhun pyrshah ïa ka Nongrim Hills SC ha ka por 5:30 janmiet ha SSA Stadium kaba ha First Ground, Polo.
Watla ka dei katto katne bnai mynshwa bad ryngkat bad ki nongïalehkai bapher bapher, hynrei kaba donkam ban tip ba ka Nangkiew Irat bad ka Nongrim Hills ki la long ki kynhun kiba la lah ban thep kol bun ha ka SPL 2024. Ha kaba nyngkong ka Nongrim Hills ka la jop da 5-2, hynrei ka Nangkiew Irat ka la lah ban ïalehkai bha ha ka wat kaba ar bad ban jop da 4-0.
Ka Nangkiew Irat ka la pyndep da kaba ka la don ha ka kyrdan kaba saw ha ka aïom ba la lah bad mynta ka kynti ka la khmih lynti ban ïoh rung sha ka thup kaba lai (Top 3), katba ka Nongrim Hills kaba la don ha ka kyrdan kaba hynriew ha u snem 2024, da ka don jingkyrmen ban ïalehkai bha na ak bynta ban jam kham shakhmatmynta u snem.
Ka Shillong Lajong kaba long ka lahduh, hadien ba ka la lah ban rah ïa ka nam lahduh kaba san ha ka SPL ha ka rukom kaba itynnad bha ha ka sngi ba khatduh pyrshah ïa ka Mawlai, kaba wan ha ka kyrdan ba ar. Ka Rangdajied United ka la wan ha ka kyrdan kaba lai bad ka Laitkor bad ka Langsning ha ka kyrdan kaba san bad ba hynriew, katba ka Sawmer ka don ha ka kyrdan ba shatrai kata ha kaba phra. Ka Malki, kaba la mih madan khatduh ha ka SPL ha u snem 2022, ka la wanphai biang ha kane ka samoi hadien ba ka la jop ïa ka First Division 2024, katba ka Mylliem kaba wan ba-ar ka dangdei ka sien nyngkong ban ïoh ïalehkai ha kane ka lympung kaba heh.
Ka Shillong Sports Association, kaba long ka nongpynïaid ïa kane ka lympung, ka la rai ba mynta u snem yn wanrah ïa ka rukom ïalehkai kaba thymmai kaba kham lyngkot bad yn pynlong tang kawei ka wat jingïakhun (ong leg), kaba kawei ka kynhun kan ïalehkai ïa baroh kiwei pat shisien ïalehkai. Ka klob kaba ïoh ïa ka kyrdan ba nyngkong ha kaba kut jong ki 45 tylli ki jingïalehkai kan ïoh rah ïa ka nam lahduh jong ka SPL bad ka kynhun kaba wan ha ka kyrdan ba-ar kan wan ba-ar.
Da kaba don khyndai tylli ki jingïalehkai ha kawei ka kynhun, kane ka mut ba kawei pa kawei ka jingïalehkai ka long kaba kongsan bha bad ki klob ki donkam ban ïalehkai bha naduh kaba sdang.
Ha kaba ïadei bad ka jingshah pynhiar kyrdan kan treikam kumba ju long ha ka SPL ha kaba ki ar tylli ki kynhun kiba ha trai duh na ka league kin hiar sha ka First Division ha u snem 2026. Ki hynriew tylli ki kynhun kiba wan ha ki kyrdan ba hakhlieh kin rung sha ka SSA Super Cup – ka kynhun kaba wan ha ka kyrdan ba hakhlieh bad ba wan ba-ar jong ka SPL kin rung sha ka semi final, katba ki kynhun kiba don ha ka kyrdan balai haduh ba hynriew kin hap ban ïakhun ïa ka ‘playoffs’ khnang ban jam sha kawei pat ka wat jingïakhun jong ka semi final bad khatduh ka final.
