Shillong, Nailar 05
Ki pulit jong ka West Garo Hills ha ka 1 tarik mynta u bnai, ki la ïoh ban kem noh ïa ki ar ngut ki briew bad na ka met jong ki, la ïoh ban kurup ïa u drok ba la suba u heroin.
Katkum ka khubor na ki pulit la ong ba ha ka 1 tarik mynta u bnai hadien ba ki la ïoh ïa ka jingtip kaba bniah, ki la kem noh ïa ki ar ngut ki briew, kiba kynthup ïa u Saidul Islam bad ka Nodilchi N Marak na ïew Jengjal ha West Garo Hillsbad ruh ban kurup noh ïa ki shiphew tylli ki vials ba la thep ïa u drok ba khia kumba 0.74 gram ba la suba ba u lah ban dei u heroin na ka met jong ka Nodilchi N Marak.
Na ka liang jong ki pulit ki la kurup noh ruh ïa kawei ka arshaka kaba don ïa u registration number AS18-P-6575 bad kawei ka arshaka kaba don ïa u registration number AS18-J-9815.
