Khliehriat, Nailar 05
Ka Khliehriat East YW-SC bad Lumshnong YW-SC ki la rung sha ka semi final ha ka lympung ïalehkai 2nd Division Football Tournament ba la pynïaid da ka East Jaiñtia Hills District Football Association (EJHDFA) hadien ba ki la khur jingjop ha ka sngi Ba-ar ha madan artificial turf Diengshynrum, Khliehriat.
Ha ka jingïakhun quarter final kaba nyngkong, ka Khliehriat East YWSC ka la pynliem noh ïa ka Umlyng -sha Youth SC da 2-0 kol. Kane ka nam jop ka la wan urlong lymgba ki kol ba la thep da u Hamboi Da o Bareh ha ka minit kaba 12 bad Mihsalan Langstang (38).
Haba phai sha ka jingialehkai kaba bud, ka Lumshnong YWSC ka la pynrem ïa ka Khliehriat West FC da 2-0 kol. Kane ka la wan urlong lyngba ki ar kol ba la thep da u Joy Peace Pohthmi ha ka minit kaba nyngkong bad 18.
Lyngba ka jinglah ban ïalehkai bha, ka Khliehriat East YWSC bad Lumshnong YWSC ki la kiew sha ka kyrdan 1st Division na ka bynta ka aïom ïalehkai ka ban wan.
