Jowai, Nailar 05
Ka lympung ïalehkai Independence Day Cup Under-17 Football Tournament ba la pynïaid da ka ophis u District Sports Officer (DSO), West Jaiñtia Hills District ka la sdang ha ka sngi Ba-ar ha madan Kiang Nangbah Stadium, Jowai.
Ha ka jingïalehkai kaba nyngkong, ka Youth & Cultural Sports Club Sohmynting (Y&CSCS) ka la pynliem noh ïa ka Lutituber Sports Club lyngba ka tie-breaker da 5-4 kol.
Ha ka jingïalehkai kaba bud, ka Lumpyrtuh Social & Cultural Sports Club, Mihmyntdu ka la pynliem ïa ka 7 Wasa United da 2-0 kol bad kane ka la wan urlong lyngba u Sarene Dkhar (4) & (60+1).
Haba phai sha kawei pat ka jingïalehkai ka Mookyrdup Sports Club ka la jop da 2-0 kol ïa ka Mynthong Sports Club Youth Affairs Cultural. Ïa kine ki kol jong ka Mookyrdup la thep da u Damanki Manar ha ka minit kaba 34 bad kawei pat la ïarap pynthep da u rangïalehkai ka liang pyrshah u Kular Suna (36).
