Imphal, Nailar:
Ki bor pahara ki la kem ïa 8 ngut ki lehnoh kiba dei na ki saw tylli ki kynhun ba la shah ñiew beaiñ na ki distrik bapher bapher jong ka jylla Manipur, la ïathuh ki pulit ha ka lah sngi U Blei. Baroh ki jingkem la leh ha ka sngi U Blei.
Ki bor pahara ki la ïoh ban kem ïa 5 ngut ki dkhot ba ehrang jong ka KCP (PWG) na ki jaka bapher bapher ha Imphal West bad East bad Bishnupur District.
Ki donkti ha ki kam dawa pisa, ki jingjia ïasiat, ki kam rahbor bad ka jingkhaïi ïa ki tiar siat bad ki kuli.
Ïa ki arngut kiba la shahkem la tip kyrteng kum u M Premkumar Singh (28), u Yambem Shital Singh (39), u Sorokhaibam Inaoton Singh (38), u Khongbantabam Inaocha Devi (52) bad u Oinam Naoba Singh (18), ong ka kyrwoh na ki pulit.
Na ka kti jong ki la ïoh kurup ïa kawei ka suloi 9mm kaba don ïa ka magazine bad ka Cartridge.
Ki pulit ki la ïoh ban kem ruh ïa uwei u dkhot jong ka kynhun KCP (Taibanganba) na
Utei u lehnoh uba la tip kyrteng kum u Heisnam Bobo Singh (37) u dei uba donkti ha ka kam dawa pisa, ban lum ïa ka pisa ba la dawa na ki skul ha ka them Imphal.
La kem ruh ïa uwei u dkhot jong ka kynhun PREPAK ba la shah ñiew beaiñ na Itham Thongkhong ha Imphal East district, ïa une la tip kyrteng kum u Sorokhaibam Rohit Meitei (24).
Ki bor pahara ki la ïoh ruh ban kem ïa uwei u nongtrei ba trei shitom jong ka kynhun KCP (Noyon) ba la shah khang na kawei ka jaka rep kaba don hajan ka ïing sah jong u kaba ha Lamlai Chingkhu ha Imphal East district, ïa uba la tip kyrteng kum u Nepram Hari Meitei (19).
