Shillong, Nailar 06
Ka Meghalaya Carrom Association (MCA) kan pynlong ïa ka jingïakop siat carom ba la tip kum ka 23rd Meghalaye Open Carrom Tournament 2025 ka ban sdang naduh 9 tarik u Nailur bad ka ban kut haduh 13 tarik u Nailur ha Jaïaw Laitdom Indoor Cum Community Hall ha Lumbatemon.
Ïa kane ka jingïakop yn pynïaid da ka Jaïaw Laitdom Dorbar Carrom Club ha ryngkat ka jingkyrshan lang da ka MCA.
Kat kum ka kyrwoh ba la pyllait da u Secretary Bah F. Nongkynrih, la ong ba katei ka lympung ka long shi bynta ban jied ïa ki nongïalehkai kiba kynsai kynthei bad shynrang, veteran bad ki junior ki ban leit shim bynta sha ki lympung ki ban sa long shabar Jylla. Ïa ki jingtip ba kham bniah ki la ban phone ïa u Bah B Wahlang (9612293299) lane Bah F Nongkynrih (9863082340).
