Jowai, Nailar 06
Ka Panaliar bad Moo-kymphad SC ki la khur jingjop ha ka lympung ïalehkai Independence Day Cup Under-17 Foot-ball Tournament 2025, ba la pynïaid da ka West Jaiñtia District Sports Association (WJDSA) ha ka sngi Balang ha Kiang Nangbah Stadium, Jowai.
Ha ka jingïakhun kaba nyngkong, ka Panaliar ka la pynliem noh ïa ka Ksehshylle SC lyngba ka tie-breaker da 4-3 kol hadien ba ki la ïakhaid mar shi kol.
Ha ka jingïalehkai kaba bud, ka Mookymphad SC ka la jop da 2-0 kol ïa ka Pateinki Sabahmuswang. Ïa kine la thep da u Pyniomiki Dkhar ha ka minit kaba 48 & 60.
