Mawkyrwat, Nailar 06
Ki pulit ka Mawsynram ha ka sngi Balang ka 6 tarik u Nailar 2025 ki la lap ïa kawei met ïap kaba dei jong u samla Kyrshanbok Marngar, ba dang 21 snem uba na ka shnong Domthrin, Mawten ha South West Khasi Hills District na Wah Umngi na kawei ka jaka kaba tip kum ka Pongtung.
Katkum ka tyllong khubor na ki pulit la ïathuh ba katkum na ka kaiphod na u Bah Droswell Lyngkhoi uba dei u kpa, la ïathuh ba u Kyrshanbok Marngar u la jah na la ïing naduh ka 2 tarik u Nailar 2025 bad dei ha ka 6 tarik u Nailar, 2025 kata ha ka por kumba 10:30 eiei la lap ïa kawei ka met narud jong ka wah Umngi bad na ka liang kiba haïing hasem ki la pynthikna ba katei ka met ka dei ka jong u Kyrshanbok Marngar.
Shuh shuh ha kaba ïadei bad kane ka jingjia na ka liang ki pulit ki la ïathuh ba kiba haïing hasem kim don ka jingsuba sniew ïano ïano bad ki la ïathuh ba dei ba u ïa dom bad ka lok u sa leit noh ïap.
Ha kaba ïadei bad kane ka jingjia ki pulit haduh mynta ki dang pynlong ïa ka jingtohkit.
