Shillong, Nailar 06
Ka Meghalaya Sport Clim -bing and Mountaineering Association (MeSCMA) ka la pynbna ba kan pynlong ïa ka State Level Awareness Program ha kaba ïadei bad ka kam kiew lum, ha ka 21 bad 22 tarik mynta u bnai ha Climbing Wall jong ka 58 GTC, Happy Valley, Shillong.
Ka jingthmu jong kane ka long ban wanrah ka jingsngewthuh bad ban kyntiew ïa ka jing-sngewtynnad ha ka sport climbing hapdeng ki samla ba don sap jong ka jylla. Lyngba kane ka prokram, ka MeSCMA ka wad ban pynshlur ïa ki samla ba kin shim ïa kane kum kawei na ki jait jingïalehkai.
Ka rta jong ki khynnah shynrang bad kynthei ka dei ban long naduh 12 haduh 15 snem. Ka tarik ba khatduh ban pynrung kyrteng kan long ha ka 12 tarik mynta u bnai ha ka por 5 baje janmiet. Ïa ki jingtip ba bniah ki lah ban phone ha ki number 9612431187 & 93667-89708. Kane ka long kat kum ka kyrwoh ba la pyllait da ka Kong Malviancy Shabong, President ka MeSCMA.
