Shillong, Nailar 07
Ka Shillong Lajong FC ka la long ba la pynkhreh ban ïakhun pyrshah ïa ka lahduh jong u snem ba la lah, ka NorthEast United FC ha ka jingïalehkai kaba khatduh jong ha ka Group-E jong ka 134th Durand Cup ka ban long ha ka sngi Thohdieng ha the Jawaharlal Nehru Stadium, Polo ha ka por 7 baje janmiet.
Kane ka jingïakhun ka long kum ka jingrai ban ïoh rung sha ka quarter final na kane ka group. Kumba ka long mynta ka Lajong ka danglamkhmat ha kane ka group hadien ba ka la jop ar sien, katba ka United dangjop tang shisien. Te kumta kane ka jingïakhun kan long kaba itynnad bad ka ban pynhun ïa ki paidbah nongpeitkai.
Lah ban kdew ba ha ki jingïalehkai ba la lah, ka Lajong ka la pynjem khnap haduh 6-0 kol ïa ka Malaysian Armed Forces bad 3-1 kol ia ka Rangdajied United FC. Katba ka NorthEast United ka la jop da 3-1 kol ïa ka Malaysian Armed Forces.
