Shillong, Nailar 08
Ka NorthEast United FC ka la pynliem noh ïa ka Shillong Lajong FC da 2-1 kol ha ka jingïalehkai jong ka lympung Durand Cup kaba la long ha ka sngi Thohdieng 08 tarik Nailar ha madan Jawahar-lal Nehru Stadium.
Ka NorthEast United ka la jop da lyngba ar tylli ki kol jong u Alaaeddine Ajaraie kiba u la ïoh ban thep ha ka minit ba 5 bad 83, katba ka Shillong Lajong ka la ïoh ban thep shi kol da u Figo Syndai ha ka minit ba 81.
U Ajaraie ka NorthEast United FC u la lah ban lam khmat ïa ka kynhun naduh ka ba sdang kata naduh 5 minit bad shipor ka Shillong Lajong ka la lah ban pynïakhaid ha ka minit ba 81 hynrei suki jai da ka jingtbit lehkai jong u, u la lah ban thep biang sa kawei kata ka kol ba ar ha ka minit ba 83 bad pynioh syndon ia ka jingjop.
Ka jinglah ban thep kol arsien u Alaaeddine Ajaraie ka la pynthikna ba ka NorthEast United FC ka lah ban pynliem noh ïa ka Shillong Lajong FC ha ka jingïakhun kaba itynnad bha bad lah ban lam khmat bad lehkai kham bha. Ka NortEast ha ka Group E bad ka la ïoh 6 poiñ katba ka Shillong Lajong ka la pyndep ïa ka jingïakhun ha ka group stage ruh da kaba khur 6 poiñ na ki lai tylli ki jingïakhun. Ka poiñ na ka jingïalehkai kaba la dep na ka bynta ka NorthEast United ka pynthikna ba kan rung sha ka Quarterfinal kum ka kynhun kaba jop bad lam khmat na ka group. Kane ka jingjop ka la ïarap ïa ka NorthEast United FC ban rung sha ka Quarterfinal kum ka kynhun kaba ar.
Ka Durand Cup ka dei ka lympung ïalehkai phutbol kaba la rim tam ha ka dewbah Asia bad kaba lai ha ka pyrthei, ha kaba ki kynhun ïalehkai na kylleng ka ri India ki ïashim bynta. Ïa kane ka jingialehkai la pynlong ha kylleng ki phra tylli ki jylla – West Bengal, Jharkhand, Assam, Meghalaya, bad Manipur.
