Shillong Nailar 08
Ka National Peoples Party, Meghalaya ha ka 07 tarik u Nailar 2025 kala leit ban kynduh ïa u Myntri Rangbah ka Jylla Conrad K Sangma ha ïingsah jong u ban pan jaka na ka Sorkar Jylla ban tei ïa u motdur jong ka Phan Nonglait, ka riewshlur kaba mih lang ban ïakhun ha ka por jong u Tirot Sing ban ïakhun ïa ki dohlieh ha kato ka por.
Kum ban shu pynkynmaw na ka liang jong ka National People’s Party haka sngi kynmaw burom ïa ka lyngkhuh sngi ïap jong u Syiem ka Hima Nongkhlaw u Syiem Tirot Sing ha ka lyngkhuh sngi ïap kaba 190 haka jingïalang ba buh syntiew ha u motdur uba la pynïeng ha State Central Library, Shillong ki la dep ban ïa kren ïa kane ka bynta ba donkam ban kynmaw burom lang ruh ïa ka Phan Nonglait.
Na ka liang ka Kong Grace ka la ai jingmut ruh ïa ki nongïalam jong ka party ba kin tyrwa sha ka sorkar ban don ka jingkynmaw burom lang ïa ka Phan Nonglait kaba dei kawei na ki shipai ba shlur jong ka Jaidbynriew kaba la don ka bynta kaba khraw ban ïakhun ïa ki dohlieh ha ka por jong u Syiem Tirot Sing.
Kumta dei hynne ka sngi naka liang ka National People’s Party Women Front Meghalaya State Unit haka jingïalam jong ka President ka Kong Grace Mary Kharpuri ryngkat u Working President Bah Hamletson Dohling, u Bah Himalaya M Shangpliang ki leit ban kyrpad ha ryngkat ka jingthoh naka bynta ban ai jaka ban tei ïa u mot sahkynmaw jong ka Phan Nonglait kaba dei kawei na ki riewïaleh ban pynïoh ïa ka jinglaitluid ïa ka Jylla.
Ha ka shithi ka Kong Grace ka la buh ka jing kyrpad hakhmat u Myntri Rangbah u Conrad K Sangma ban ai ka jaka ha ka Phan Nonglait Park kaba don hadien jong ka Civil Hospital kaba dei ruh ka jaka kaba itynnad ban buh ïa u motdur bad kaban ïahap na ka bynta kane ka riewshlur.
