Shillong, Nailar 08
Ka Bharat Sanchar Nigam Limited (BSNL) ka la pyllait paidbah ïa ka “Freedom Plan,” ka jingïarap ‘Prepaid’ ba kyrpang kaba ai lad ïa ki nongpyndonkam ban ïoh ïa ka ‘Unlimited Voice Calling’, ‘2 GB high-speed data’ ba man ka sngi (ka ‘data’ kan hiar sha 40 kbps hadien kata), bad 100 SMS man ka sngi tang da ka ‘Recharge’ kaba T. 1 na ka bynta 30 sngi.
Kane ka ‘Plan’ kan treikam naduh 1 tarik haduh 31 tarik u Nailar (August) mynta u snem, bad ka long kyrpang tang na bynta ki nongpyndonkam bathymmai bad kito kiba la wan pynïasoh (port) sha BSNL ha Meghalaya, Mizoram bad Tripura hapoh ka North East-1 Telecom Circle.
Ka BSNL ka ai ei lang ïa ka ‘SIM Card’ ha ka T. 1 lada ‘Recharge’ hapoh ka “Freedom Plan.”
Kane ka pynlong ïa ki nongpyndonkam ba kin ym donkam eiei ban siew ha ka por ba ki rung ne pynïasoh ha ka BSNL ha u bnai Nailar 2025.
Ïa kane ka ‘SIM Card’ lah ban ïoh na ki ‘BSNL CSC’ bad ki dukan die ‘SIM’ hapoh ka NE-1 Circle.
Ban kyrshan ïa kine ki jingïarap, ka BSNL, NE-1 Circle ka la shimkhia ban pynbha ïa ka jingshna ka jingïasngewthuh hapoh ka ‘network’ da kaba pynrung ïa ka 4G kaba khlaiñ da ka teknoliji kaba na ka ri ba la thmu ban ai ka jingïaidon ka jingshakri kaba khlaiñ bad ba sted wat ha ki jaka khappud ruh.
Na ka liang ka Kong Daily Giri, CGMT, BSNL, NE-1 Circle ka la ong, “Ka BSNL NE-1 Circle ka la ïeng skhem ban ai ka jingshakri kaba shaniah bad ba duna dor sha ki paidbah wat ha ki bynta ba lait tam.”
Naduh ba sdang ha u snem 2000, ka BSNL ka la pynïar ïa ka ‘Network’ haduh ban kdup ïa ka Jylla India baroh kawei. Da ka thong ban pynbiang ka jingpynïasoh ba duna dor bad ka jingïaid shaphrang, ka BSNL ka dang bteng ban pynmih ïa ki teknoliji bathymmai kum ka 4G bad ka 5G kaba dang sa pynmih.
