Khliehriat, Nailar 08
Ka Suchen Lumiarain SC bad Narwan SC ki dei ki kynhun ba la rung sha ka Final jong ka lympung ïalehkai 3rd Division Football Tournament ba la pynïaid da ka East Jaintia Hills District Football Association (EJHDFA).
Kane ka la wan hadien ba ka Suchen Lumiarain SC bad Narwan SC ki la khur jingjop ha ka jingïalehkai semi final kaba la long ha ka 8 tarik Nailar.
Ka Suchen Lumiarain SC ka la jop ïa ka Lumshyrmit SCSC da 1-0 kol lyngba ka kol ba la thep da u Wanmi lamurong (5).
Ha ka jingïalehkai kaba bud, ka Narwan SC ka la pynliem ïa ka Lama Youth SC da 2-0 kol. Ïa kine ki kol jong ka Narwan SC la thep da u Jimris Langstang (6) bad Miki Suiam (43).
Ka jingïakhun final kan long ha ka 16 tarik Nailar ha ka por 2.00 baje nohphai sngi.
