Shillong, Nailar 08
Ka kynhun ïalehkai Indian Super League (ISL) ka Bengaluru FC ka la pynbna ba kan pynsangeh noh ïa ka tulop jong ki rangïalehkai namar ka jingbym thikna katei ka lympung mynta u snem.
Kumba ka long mynta, baroh ki nongïalehkai, kynthup ïa u kapten barim ka India, u Sunil Chhetri, kin nym ïoh tulop hynrei ka klob ka la bynrap ba ki kynhun ïalehkai (young team) kin ym shah ktah.
“Ka klob ka dangïai bteng ban kyntiew ïa ka jingïalehkai bad ki jingtreikam jong ngi bad ki kynhun jong ki samla jong ngi – shynrang bad kynthei – bad ki shlem ai jinghikai phutbol jong ka BFC kim shah ktah ha kane ka rai. Ngi kyntu ïa ka AIFF bad ka FSDL ban pynkut noh kloi ïa kane ka jingeh. Ka jingbym thikna kam ai jingmyntoi ïano ïano ruh, bad ka jingpynbeit kloi ïa ka lawei jong ka jingïalehkai phutbol ha India ka long kaba kongsan bha,” la pynkut ka BFC.
