Shillong Nailar 08
Ka Khasi Jaiñtia Farmers Association (KJFA) ha ka 08 Tarik u Nailar 2025 ka la leit ban ïa kynduh ïa u Chief Executive Members (CEM) ka Khasi Hills Autonomous District Council (KHADC) ban dawa pynduh noh ïa ka jingot kilo ïa ki marrep.
Haba ïakren bad ki lad pathai khubor na ka liang u Bah Banskhemlang Kharmuti – General Secretary ka KJFA u la ong ba ka seng ka dawa na u CEM ban pyntreikam noh ïa ki role jong ka Marketing Act na ka bynta ki marrep jong ka dong ka thaiñ Khasi-Jaintia.
U la ong ba lada pyntreikam ïa kane ka aiñ kan long kum ka stieh ïa ki nongrep ban ïada ïa ka jingshah ot kilo.
Ka seng ka duh nong ruh halor kane ka jingshah ot kilo namar ka jingot kilo kalong 10 kilo na ka 100 kilo kumta ki kwah ba kane ka jingot kilo kan duh kan dam noh.
Shuh shuh u la ong ba ka jingot kilo kamdei ka kamram jong ka KHADC hynrei ka KHADC kan dawa na ka sorkar ruh ban ïakren lem na ka bynta kane ka jingshah ot kilo kaba la ktah bha ïa ki nongrep.
U la ïathuh ba na ka liang u CEM pat u la ong ba ïa kane kin sa phah shwa sha u Lat ka Jylla.
Haba bynrap pat na ka liang u Bah Cresent Lyngdoh Nongbri – President ka Khasi Jaiñtia Farmers Association (KJFA) u la ong ba ka jingtrei shitom ki nongrep yn da la poi sha ïew pat shah ñion ha ki nongthied bad nongkhaii da kaba ot kilo.
U la ong “Lah ban ot kilo da ka jingïa sngewthuh jingmut lang hynrei ban ot khlem ka jingia sngewthuh lang kam ïahap”.
Kumta u la kyrpat ban pyntreikam noh ïa ki role ban nym shah ot kilo shuh nangne sha khmat, namar ka jingot kilo ka long 10 na ka 100 kilo kumta ki kwah ba kane ka jingot kilo kan duh noh.
