Guwahati, Nailar:
Ka jingwan buhai shnong sha India na shiliang u pud u sam ka pyrthei ka la sakhi ïa ka jinghiar kaba jur bha hadien ka jingjur jong ki jingkhynra bad ki jingpahara jong ki shipai ka ri. U Director General Border Security Force (BSF) u Daljit Singh Chowdhury ha ka jingai jingkren u la pynpaw ïa ki jingtrei shitom jong ki shipai pahara ha ka bynta khappud ban ïaleh pyrshah ïa ki bar ri kiba thmu ban wan rungtuh sha ka ri.
Kane ka jingpyntreikam ka la long ryngkat ka jingïarap ka tnat shipai ka Border Guard Bangladesh (BGB)”Ngi la ïoh jingujor ba ki don ki jaitbynriew rit paid kiba sngew tieng, hynrei ka BGB ka la pynthikna ïa ki ïa baroh ki jingïarap kiba lah ban ai. Ka sorkar Bangladesh ka la shim ïa ki sienjam kiba thikna ban pynthikna ïa ka jingshngaiñ jong ki,” la ong u heh shipai.
Ka mat ba kongsan kaba la ïakren ha kane ka jingïalang ka long ban pynïeng ïa ki jingker nar (barbed-wire fencing) ha ki katto katne ki bynta jong ka khappud India bad Bangladesh, ha kaba kane ka kynhun na Bangladesh ka la pynpaw ïa ka jingpyrshah. “Ki don katto katne ki mat jingïakynad ha kaba ïadei bad ka jingker kynroh. Hynrei ngi don ka jingkyrmen ba kine ki jingeh kin sa lah ban pynbeit noh shen”, la ong une u heh ka BGB.
