Shillong, Nailar 10
Ka jingdih ne ka jingpyndonkam drok hapoh ka jylla Meghalaya ka sdang naduh ka rta kaba 10 snem shaneng, ong ka Qualitative Study kaba la pynmih ha ka Indian Journal of Public Health (Ïaïong-Jylliew 2025).
La pynlong ha u snem 2022, kane ka jingwad bniah ka la wad bniah ïa ki 128 ngut ki nongshim dawai opioid substitution theraphy ha East Khasi Hills, West Jaiñtia Hills bad East Jaiñtia Hills, ryngkat bad ki 17 tylli ki servise providers.
Ka rta kaba pdeng jong ka jingsdang la lap ba ka long 19 snem, ha kaba palat shi bynta ki sdang naduh dang khynnah ha ki por ba ki dang leit pule.
Katei ka jingwad bniah kaba la leh na ki nongwad bniah na ka Indian Institute of Public Health, Shillong, bad ka Meghalaya AIDS Control Society ki la ïathuh ba palat 91% na ki nongpyndonkam , ki dei ki shynrang, 80% ki trei ha ki kam ba khlem pynbeit, bad palat shiteng ki dei hapoh ka rta ba 10 snem ba dang pule. Ka jingkwah tip, ki jingeh ha ka longïing, ka jingpynbor jong ki paralok, bad la kdew ba kum kine ki jingeh kiba kham bunsien ba ki la sdang ha kine ki kam.
Kidaw ban sdang la ithuh ba u Heroiñ u dei uba ki ju pyndonkam bha. U dawai ba la ai dawai, da kaba pynlut man ka sngi ka long naduh T.500 haduh T.2,000-bad ha ki katto katne ki khep haduh T.2,500. La batai ba ka jingïoh rung ka long kaba “suk” lyngba ki ïew ki hat bad ki jingpynïaid lyngba ka phone, ha kaba bun ki nongpyndonkam ki pyndonkam da kaba shim ram ne tuh pisa.
Ka rta kaba sdang ban dih drok ha Meghalaya, ka kham duna ban ïa ki jylla ba marjan jong ka Manipur bad Nagaland, ha kaba ka ieng haduh 22 snem.
Ki nongwad bniah ki la maham ba ka jingsdang kloi ka pynkiew ïa ka jingma jong ka jingdih buaid kaba slem bad ki la kdew ïa ka jingthut ha ka imlang ka sahlang kum ka daw kaba pynlong ïa ka jingdih buaid.
Katba ka jingdih drok bun sien ka long kaba duna, ki nongdih bunsien ki kylla katba nang mih ki sngi na ki dawai pill ne u Ganja sha u Heroin.
Ki nongthoh ki la pynksan ïa ka jingdonkam ban leit shabar ha ki jaka pule bad ki jaka paidbah ban tehlakam ïa ka jingkiew stet.
