Shillong, Nailar 10
Ka Shillong Sports Asso-ciation (SSA) ka la pynbna ba ka jingïalehkai quarter-final na ka bynta ka Third Division 2025 kan long ha ka sngi Ba-ar (12 tarik) hapdeng ka Sanmer bad ka Umlyngka, ki ban ïakhun ha ka por 1:45 nohphai sngi.
Katei ka synjuk ka la pynbna ruh ba ka quarter-final kaba ar kan long ha ka sngi Balang hapdeng ka Umrynjah pyrshah ïa ka Nongumlong ha ka por 1:45 nohphai sngi.
Ka jingïakhun quarter final kaba lai kan long ha ka 18 tarik hapdeng ka Madan SCC pyrshah ïa ka Umiew Maw U Sam bad ha ka 19 tarik ka Mawkriah West ïa ka Ïatyllilang. Kine ki jingïakhun kin long noh ha ka 2:45 nohphai sngi.
Ha kaba ïadei bad ka semi final yn pynlong ha ka 25 bad 26 tarik mynta u bnai bad ka final kan long ha ka 30 tarik.
La ong ba ki ar tylli kynhun ki ban rung sha ka final kin kiew kyrdan sha ka Second Division na ka bynta ka aïom ka ban wan.
