Shillong Nailar 11
Ha ka sngi u Blei ka 10 tarik u Nailar 2025 ka kynhun jong ka World Mission Society Church of God University Student Volunteers kaba la tip kum ka ASEZ WAO ka la pynlong ïa ka Zero Plastic Campaign & Cleanup Activity.
Kane ka jingpynlong ka ASEZ ïa ka Zero Plastic Campaign & Cleanup Activity ka long kum shibynta ban wanrah ïa ka jingkhuid jingsuba ha ka mei mariang.
Kane ka dei beit tang shi sngi kaba la sdang na Martin Luther Christian University ter ter shaduh jingkieng Lapalang ha ka thaiñ Nongrah, Shillong.
Ha katei ka sngi nalor ki dkhot ka ASEZ la ïadonlang ruh da ka Dr.V.Saio, Scientist D ka Regional Office Shillong Ministry of Environmental, Forest and Climate Change (MoEF&CC) kiba la ïa shimbynta shit rhem ban tam haduh 62 song plastik, ki ñiut ki ñier kiba la ïoh ban tam na shilynter ka rud surok jong katei ka thaiñ.
Haba kren ha katei ka sngi na ka liang ki nongïalam ka ASEZ kiba kynthup ïa u Samla Weilamangdor Kharlor ki la ïathuh lyngkot shaphang ka ASEZ bad ban pynpaw ruh ba ka jingpynlong ïa kum kine ki kam treimon sngewbha kidei ba ka kynhun ka la ju leh man la ka por da kaba bud ïa ka jinghikai jong ka kmie.
Nalor kane ki la ong ruh ba ka jingïashim bynta ha kine ki prokram kan tynshaiñ ruh ïa ka burom jong u Blei.
