Jowai, Nailar 11
Ka Loomiongkjam SC bad Mynsngat ki la jam sha ka semi final ha ka lympung ïalehkai Independence Day Cup Under-17 Football Tournament 2025 ba la pynïaid da ka West Jaiñtia District Sports Association (WJDSA), hadien ba ki la khur jingjop ha ka lah sngi U Blei ha Kiang Nangbah Stadium, Jowai.
Ha ka jingïakhun quarter final kaba nyngkong, ka Loomiong-kjam SC ka la pynliem nh ïa ka Dongmihsngi 1-0 kol bad kane ka la wan urlong lyngba u Pynskem Chyrmang, uba la thep ha ka minit kaba 9.
Ha kawei pat ka jingïakhun, ka Mynsngat ka la pynjem khnap ïa ka Panaliar haduh shiteng dorjon (6-0kol). U Ribait Bang ula khyrwit da ka hat-trick ha ka minit 12, 35 & 56, katba ïa kiwei pat la thep da u Wallam Mukhim (43), Mebantei Mukhim (47) bad kawei pat la ïarap pynthep da u rangïalehkai ka liang pyrshah u Yooia I Sumer (53).
Kane ka jingïalehkai quarter final kan long biang ha ka sngi Ba-ar hapdeng ka Catholic Youth pyrshah ïa ka Lumpyrtuh ha ka por 1:30 mynsngi, katba ka Ladthadlaboh ïa ka Khimusniang ha ka por 3 baje nohphai sngi.
