Mawkyrwat, Nailar 12
Ka SWKHD Cricket Association ka pynpaw ka jing-sngewkhia kaba jur halor ka jingkynnoh bym don nong -rim jong uwei u rangïelehkai kriket na South West Khasi Hills, u Divension Lyngdoh.
Utei u rangïalehkai kriket ha ka 5 tarik mynta u bnai u la kynnoh kylla ïa u President ka South West Khasi Hills District Cricket Association (SWKHDCA) u Bah Banteibor Lyngdoh uba la ai jingmut ban ïaid beit shakhmat hadien ba um shym la shah jied ban mihkhmat ïa ka Jylla na ka bynta ki lympung ïalehkai (senior) ban pynïaid da ka BCCI jong ka aïom ïalehkai 2025-26.
Katei ka synjuk ka la shong jingïalang kyrkieh ha ka lah sngi U Blei ha Mawkyrwat bad ka la rai ban aiti ha ka Disciplinary Committee ba kan leh ïa kaba donkam pyrshah ïa utei u rangïalehkai uba la pynjah burom ym tang ïa ka synjuk, hynrei ïa ka district bad kumjuh ïa ka Meghalaya Cricket Association.
