Jowai, Nailar 12
Ka Wahïajer SC bad Lumphyrnai Sohphoh ki la ïakhaid ha ka Super Division (Kelsiroy Pala Memorial), katba ka Tympang SC bad Myngkrem ki la khur jingjop ha ka 2nd Division (Joybell Suiam Memorial Football League) ba la pynïaid da ka Thadlaskeiñ Sports Association (TSA) ha madan Wahiajer Multi Sports Complex.
Ha ka jingïalehkai 2nd Division kaba la long ka sngi Ba-ar, ka Tympang SC ka la pynleim noh ïa ka Maya SC da 1-0 kol bad ïa kane la thep da u Rejoy Dkhar (59). Ha ka jingïalehkai kaba bud, ka Mynkrem SC ka la jop da 5-0 kol ïa ka Pdienlum. U Roster Khynriam (1 & 53) bad u Dalamsarki Lapasam (45 & 47) ki la thep ar kol, katba ïa ka shi kol la thep da u Onitender Tyngkra (69).
Haba phai sha ka Super Division, ka Wahïajer SC bad Lumphyrnai Sohphoh ki la ïasam mar shi point hadien ba kim shym la lah ban thep kol.
Ha ka sngi Balang ka jingïalehkai 2nd Division kan long hadpeng ka Myntoilang-i FC pyrshah ïa ka Mukhla Veteran ha ka por 10 baje mynstep, katba ka Mukhla Mission ïa ka Tyllilang I Moobakhon ha ka por 12 baje mynsngi. Ha ka Super Division ka Heiboriong-I FC kan ïakhun pyrshah ïa ka Pohskur Phyllong ingkhaw ha ka por 3 baje nohphai sngi.
