Jowai, Nailar 12
Arngut ki ‘thei ïalehkai Wushu na West Jaiñtia Hills ki la ïoh ban khur takma rupa ha ka Asmita Khelo India Wushu Women’s League 2025 ba la pynlong da ka Meghalaya Wushu Association, kaba la long ha ka 9 tarik mynta u bnai ha SAI Training Centre, Shillong,
Kine ki ar ngut ki nongjop ki kynthup ïa ka Wanbhaki Suchiang na Seinraij Higher Secondary School, Jowai ha ka Senior Women -45kg lem bad ka Valiancy Lamare na Don Bosco School, Mihmyntdu ha ka Sub Junior-40kg.
Ha kane ka lympung, la ïalam khmat ïa ka kynhun da u Ferdinand Suchiang bad Riwodmiki Lyngdoh. U Coach Niawki Ïakai, uba dei ruh u dkhot jong ka West Jaiñtia Hills District Wushu Association, u la long kum u Head Judge ha katei ka lympung.
Na ka liang ka West Jaiñtia Hills District Wushu Association ka la ai khublei bad kitbok kitrwiang ïa kine ki arngut ki ‘thei ïalehkai ba kin nangkiew shaphrang ha ka jingïalehkai Wushu, katba ka ai khublei ruh ïa ki Principal jong ki skul bad ïa ki kmie ki kpa jong ki.
