Shillong, Nailar 12
Ka Hynñiewtrep Integrated Territorial Organisation (HITO) Shillong City bad ka HITO Mawlai Circle, ha ka 12 tarik Nailar, 2025, ki la ïoh ban bat ïa ki bar jylla ki bym don ïa ki kot ki sla ba biang ha Motphran kiba thmu ban leit trei bylla sha Western Bypass.
Na ka liang ka seng ka la phah noh ïa kitei ki bar jylla ba kin leit phai noh sha ki jaka ba ki wan.
Ka seng ka la kyrpad ruh ïa ki bor ba dei khmih ba kin shimkhia ban peit ïa ka jingwan rung kyrthep ki bar jylla shapoh ka Jylla ki bym biang ïa ki kot ki sla namarba ïoh lehse, ki dei ki riew sniew ne ki lehnoh bad kiba lah ban wanrah ïa ka jingma jingmynsaw ïa ki paidbah ka Jylla.
“Ngi kyrpad ïa ki khyrdop talasi ba kin khmih bha ïa ki briew kiba wan rung nabar bad ba kim dei ban pyllait da kaba suk bad ngi la ïoh sngew ruh ba ka don ka jingai pisa kaba la jia la slem hynrei ha kawei ka sien, ngin sa hiar hi dalade kynsan ban khmih halor kane”, ong ka seng.
