U Bah Joy J. J. M. Nichols Roy ula shah nominated sha ka constituent Assembly ha ka 1946 – 49. Ha ka 1945 u Bah Joy ka Balang u Blei, u la don ha San Francis, USA haba ki nongmihkhmat jong san tylli ki nongjop ki la ïa kynduh. Ki kynthup ïa u mynta rangbah duh ka China, France bad America, u myntri rangbah jong ka Great Britain bad u myntri kam bar ri ka Soviet Union. U Rev. J. J. M Nichols Roy ula wan her bran bran sha Shillong bad ïa kynduh ïa Rangbah Riewlum. U sngewthuh ba u dei ban ioh rung ha ka dorbar thawaiñ bad ka dei tang lyngba ka Indian National Congress ne lyngba ka Muslim league. Kumta, ula ïasnoh ïa ka seng congress bad shah jied ha ka 1946 elekshon paidbah. Ula shah jied sha ka dorbar thaw aiñ.Ula long u atiar ha kaba pynioh ïa ka lynnong kaba kyrpang, ka Sixth Schedule kaba mut ban ïada ïa ka jaidbynriew riewlum jong ki hynriew tylli ki Hill District ka Assam ban rung hapoh ka riti synshar ka ri India. U Rev. J. J. M. Nichols Roy ula hap ïehnoh ïa ka seng Congress ha ka 1957. U pynim pat ïa ka jingïalang jong ki Khasi – Jaiñtia bad shimti ïa ki kam mynta rangbahduh. U Bah Joy ula khlad noh ha ka snem 1959 bad ha ka jaka jong u wan long myntri rangbah duh ha kane ka jingïalang jong ka Khasi Jaiñtia da u Bah B. B. Lyngdoh.
Ha ka 19760 la thaw ïa ka APHLC kaba la rah ïa ka jingthmu ka “Assam Hill Tribal Union” ban dawa Hill State ban ïa phiah na ka Assam ba mynshuwa, NE India. ïa ka Assam la phiah ha ki 7 tylli ki Jylla ba la tip mynta kum ki 7 sister States. Ki jingkylla ki la wan bad ka seng Congress ba ju synshar marwei ïa ka India ka la hap shong ha ka liang pyrshah ha ka Ri India.
K. M. Khonglah
