Shillong, Nailar 12
Ka Umlyngka SC ka la rung sha ka semi final ha ka lympung ïalehkai SSA SRGT 3rd Division 2025, hadien ba ka la lah an pynliem noh ïa ka Sanmer SC lyngba ka tie-breaker da 7-6 kol ha ka sngi Ba-ar ha SSA Stadium kaba ha First Ground Polo.
Ha kane ka jingïakhun quarter final kaba nyngkong, baroh ar ki kynhun ki la pyrshah ban ïakhun tyngeh naduh kaba sdang, hynrei haduh kaba kut kim shym la lah ban thep kol bad kut ha ka jingïakhaid.
Dei ha ka jingïashut tie-breaker ba ka Umlyngka ka la lah ban tam ïa ka Sanmer na ka bynta ban khur ïa ka jingjop.
Ka jingïalehkai quarter final ha ka sngi Balang kan long hapdeng ka Umrynjah SC pyrshah ïa ka Nongumlong SC ha ka por 1:45 nohphai sngi.
