Dap 104 snem i Bah B B Lyngdoh ha ka 2025. La kha ïa i Bah B. B. Lyngdoh ha ka 22.02.22 bad ila khlad noh ha ka 27th Risaw 2003 ha ka karta ba 81 snem. Ila jop elekshon MLA 45 snem lynter bad long CM ka Meghalaya 5sien bad bunsien kum u nongïalam ha ka liang pyrshah bad kum u chairman ki commission bapher bapher. Ila trei kum u plidar ba pawnam naduh ka 1943 haduh 1972 bad shimti ïa ka kam shakri paidbah lynter haduh ba in da khlad noh ha ka 2003. Ila ïaleh MDC nyngkong na shella (Mawlong) bad la ïakhlaid la pynïakhun biang tangba i khlem ïaleh shuh. Ila ïakhun MLA pat na Nongpoh ha ka 1957 bad jop lynter haduh ba in da ïa khun pat ha Sor Nongthymmai – Mawpat bad jop ha ka 1972. Ha ka 1978 pat ila ïakhun sa na Laitlyngkot – Lyngkyrdem bad jop lynter sa 25 snem kynthih haduh 2003.
I Bah B. B. Lyngdoh ila dep thoh lypa bad buh jingthoh ïa ka jingim jong i. “My Experience in Public life and other reflectiuons” ïa kaba ngi la lah ban pyhnmih ha ka 2004 ha ka jingdap snem ka jingkhlad noh jong i na ka bynta ki khynnah pule jong ka Political History ka North East India. La pyllait ïa katei ka kot da u M. M. Jacob, u lat ka jylla Meghalaya. I sngewtynnad eh ia ka jingrwai “Por ba la leit kin ym wan phai” Sa shisien hir hir nga dang kwah ban long pat kum u khynnah – Ki sai khudi ki sai tyllai miet sngi ban ïalehkai. Ki dieng tiew saw latom ban thaw, ki bet moina ban khleh mynja. ïa ki ban ioh ai ngan shah shoh, kam pher eiei, maphi ruh por to nang her bran bran.
K. M. Khonglah
