Ka bishni ka pihuiñ ka long ka dak kaba sniew ha ka imlang ka sahlang jongngi ki briew. Bunsien ngi bishni ngi pihuiñ ïa la u paramarjan ngi bishni wat ïa ki lok ki jor, ngi bishni shi ïing shi sem bad ngi bishni wat ïa kiba leh bha ïa ngi ruh.
Kane ka jingbishni ka pynpait pynpra ïa ka jingïadei shi ïing shi sem ruh. Ka pynjot ïa ka jingïadei shi tnga ruh. Ka bishni ka pihuiñ ka pyntharai sniew ïa ka kmie u kpa bad ki para ruh. Ka jingbishni ka pynïashun para shnong para thaw. ka bishni ka pihuiñka wanrah ïa ka jingsngew pher niam ha ngi ki briew.
Ka bishni ka long kum ka bih kaba pyntroiñ ïa ka jingïadei para marjan marpa ruh. Ka bishni ka pihuiñka kha ïa shibun ki kam pynbyrsieh ïa ka imlang ka sahlang. Kumta to ngin kiar na kane ka bishni ka pihuiñ para briew bad ïaleh ban long kiba tip briew tip Blei. Ka bishni kam dei ban suh thied ha ka jingim jong ngi ki briew. Namar ka bishni ka pynjot ïa ka jinglong ba bha.
C. B. Iawphniaw
