Jowai, Nailar 13
Ka Lumpyrtuh bad Mynsngat kin ïaknieh ïa ka nam lahduh ha ka lympung ïalehkai Independence Day Cup Under-17 Football Tournament ba la pynïaid da ka West Jaiñtia District Sports Association (WJDSA) ha ka jingïakhun final ka ban long ha ka 15 tarik mynta u bnai ha Kiang Nangbah Stadium, Jowai.
Ha ka jingïalehkai semi-final kaba la long ha ka sngi Balang, baroh ar kine ki kynhun ki la khur jingjop da ka jingïashut tie-breaker.
Ka Lumpyrtuh ka la jop ïa ka Loomionkjam da 4-1 kol, katba ka Mynsngat ka la jop da 4-2 kol ïa ka Khimusniang.
Ka Lumpyrtuh bad Khimusniang ha ka kynta ïalehkai ki la ïakhaid mar 1-1 kol. Ïa ka kol jong ka Mynsngat la thep da u Wallam Mukhim (28), katba ïa ka Khimusniang la thep da u Esbunmiki Rymbai.
