Washington, Nailar:
Ki briew kiba khlem ïing- khlem sem ha Washington, D.C., ki lah ban mad ïa ka jingshah set phatok, lada kim kohnguh ïa ki jingpyrshang jong u President Donald Trump, ban rat dyngkhong ïa ki kam runar bad ban pynduh noh ia ka jingleit rung be-aiñ jong ki nong buhai shnong bad ki phetwir sha U.S.
“Ïa ki briew ki bym don ïing don sem yn ailad ban mih noh na ka jaka sah jong ki, ban shah rah sha ka jaka sah ki phetwir ba la buh kyrpang bad lada ki kyntait, la ong ba kin ngat ha ka jingshah daiñ kuna lane ki lah ban shah set phatok ruh.
U Leavitt u la ong ba ka bor synshar ka dang wad ki lad ki lynti ban pynkynriah ia ki briew ki bym don iing don sem sha jngai na ka nongbah. Ka la ong ba ki pulit jong ka U.S. Park ki la pynduh noh ia 70 tylli ki jaka sah jong ki bym don iing don sem na ki park jong ka sorkar pdeng naduh u bnai Lber bad ki la thmu ban pynkhuid ia ki ar tylli ki jaka sah kiba dang sah ha ka nongbah ha kaba kut jong kane ka taiew.
U Andy Wassenich, uba dei u director jong ka policy ha Miriam’s Kitchen – ka seng kaba ai jingshakri ia kiba khlem iing khlem sem – u la ong ba ka kynhun jong u ka la mih shabar ban pyrshang ban maham ia ki briew.
U Trump u la ong ha ki lad pathai khubor ba u kwah ba ki briew kiba khlem ïing khlem sem kin mih noh na Washington wat shuwa ba un pynbna ïa ka sienjam kaba phylla ban shimti shipor ïa ka tnat pulit jong ka District ha Columbia bad ban phah ïa ki 800 ngut ki shipai National Guard kum shi bynta ban pyrkhing ïa ki kam runar hangtei.
