Shillong, Nailar 13
Ki skul bad ki kynhun bapher bapher, ki na kylleng ka Jylla ki dangïaid shaid shaid ka jingpynkhreh ban ïashim bynta ha ka 1st State Kickboxing Championship 2025 ka ban long ha u bnai ban wan ha kane ka nongbah.
Ïa kane ka lympung yn pynïaid da ka All Meghalaya Kickboxing Association (AMKA) hapoh ka jingïalam u Bah Samuel Hashah kum u President. Te kumta kane ka synjuk la la wer ïa ki skul, ki kynhun bad ki riew shimet ban ki wan ïashim bynta shit rhem ha kane ka lympung ka ban sa long shen.
Kumba long mynta shibun tylli ki skul ki la mih shakhmat ban ai jinghikai ïa ki khynnah skul kynthei bad shynrang na ka bynta ban pynkhreh ïa katei ka lympung.
Ki khynnah skul jong ka St. Theresa Secondary School Mawlaingut ki la pynkhreh ban mih ban ïashim bynta ha kane ka l;ympung bad ki don jingkyrmen ba kin lah ban ïalehkai bha bad ban wanrah ïa u soh jong ka jingjop. Ka Don Bosco Higher Secondary School Baghmara ruh ka la pynkhreh ban mih madan ha katei ka lympung bad ki don ka jingkyrmen ba kin lah ban ïalehkai bha.
